Skrifstofustjóri - Heilsugæslan Árbæ
Heilsugæslan Árbæ leitar að drífandi einstakling í starf skrifstofustjóra. Viðkomandi þarf að vera sjálfstæður með frábæra skipulags- og samskiptahæfni.
Skrifstofustjóri er lykilaðili í stuðningi við forstöðumann á sviði rekstrar-, mannauðs- og gæðamála. Starfið felur í sér bæði skipulagningu, eftirfylgni og virka þátttöku í daglegum rekstri stöðvarinnar. Um er að ræða ábyrgðarmikið og krefjandi starf á spennandi vettvang, fyrir einstakling sem hefur áhuga á að taka þátt í þverfaglegri samvinnu fagstétta með hag skjólstæðingsins að leiðarljósi.
Á Heilsugæslunni Árbæ starfar sérhæft og metnaðarfullt starfsfólk í hvetjandi og áhugaverðu starfsumhverfi þar sem frumkvæði og sjálfstæði fær að njóta sín. Hjá okkur ríkir góður starfsandi og áhersla er lögð á náið samstarf fagstétta og teymisvinnu
Um er að ræða 100% ótímabundið starf og er æskilegt að viðkomandi getið hafið störf 1. júní eða eftir nánara samkomulagi.
Frekari upplýsingar um starfsemi stöðvarinnar má finna á vef Heilsugæslunnar (https://island.is/s/hh).
Helstu verkefni og ábyrgð
- Stýrir daglegum rekstri skrifstofu og afgreiðslu, m.a. móttöku og símasvörun
- Skipuleggur vinnufyrirkomulag, vaktir og frí heilsugæslu- og móttökuritara
- Er forstöðumanni til aðstoðar í rekstri, mannauðs- og gæðamálum
- Hefur yfirsýn yfir aðgengi, móttöku og flæði skjólstæðinga
- Annast vinnuskipulag, yfirferð vinnustunda og þátttöku í ráðningum
- Mótun, samræming og eftirfylgni verklagsreglna
- Umsjón með innkaupum, birgðum, skjalavörslu, rafrænum sendingum og frágangi sjúkraskráa
- Stuðlar að góðri vinnustaðamenningu og tekur þátt í umbótastarfi
- Sinnir kerfisumsjón á starfsstöð og vinnuaðstöðu starfsfólks
- Vinnur eftir þörfum einnig í afgreiðslu
- Sinnir öðrum þeim verkefnum sem yfirmaður felur viðkomandi
Hæfnikröfur
- Háskólamenntun (B.A. eða B.S.) sem nýtist í starfi
- Reynsla af rekstri, mannauðsmálum og/eða stjórnun æskileg
- Þekking og áhugi á gæðamálum og umbótastarfi
- Mjög góð skipulagshæfni og færni í forgangsröðun
- Sjálfstæði, frumkvæði og hæfni til að vinna undir álagi
- Mjög góð samskiptafærni og hæfni til samstarfs við ólíka fagaðila
- Góð tölvukunnátta og kerfislæsi er skilyrði
- Þekking á sjúkraskrárkerfi er kostur
- Góð íslenskukunnátta í ræðu og riti og ágæt enskukunnátta
Nánari Lýsing
Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Katli Berg Magnússyni, framkvæmdarstjóra mannauðssviðs Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt að óska eftir hreinu sakavottorði.
Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.
Frekari upplýsingar um starfið
Laun samkvæmt gildandi kjarasamningi fjármálaráðherra og viðkomandi stéttarfélags.
Starfshlutfall er 100 - 100%
Umsóknarfrestur er til og með 01.04.2026
Nánari upplýsingar veitir
Helga Sævarsdóttir - helga.saevarsdottir@heilsugaeslan.is - 513-5200
Tinna Karen Árnadóttir - tinna.karen.arnadottir@heilsugaeslan.is - 513-5200
HH Árbæ
Hraunbæ 115
110 Reykjavík